Digemer

‹ › ×

facebook
twitter
google_plus

Brud Nevez

ar gelaouenn a vez plijadur o lenn

Brud Nevez 319-320

Eul lodenn fonnuz a varzonegou ha danevellou. Barzonegou diwar bluenn Mari Kermareg hag eur barz euz ar Beljik troet war ar slam, Dominique Massaut. Danevellou a-feson gand Nicolas Fort, Laurence Lavrand ha Marcel Diouris.

E memor Mari Kermareg ez eus pemp pennad all, evel ma oa dleet, pa z'eo bet renerez Brud Nevez e-pad bloaveziou : gwelit izelloh war ar bajenn-mañ.

Gand Ronan Calvez eo bet savet ar pennad-kaoz ar wech-mañ. Kelenner brezoneg ha keltieg ma 'z eo ha rener ar CRBC, e tispleg abalamour da betra eo bet lidet warlene 50 vloaz al labo evel ma vije bet fest-noz ha fest-deiz heb dihan. "Ar studiou a zo bet greet er CRBC o-deus laket on doareou da zelled deuz istor ar vro ha deuz istor ar brezoneg da jeñch", emezañ.

Pignad war gern ar Machu Pichu, sed ar pez e-neus greet Marcel Maudire. Loeiz Grall e-neus lennet leor Philippe Lanson ha Fanch Broudic eul leor istor Breiz evel ne oa ket c'hoaz. Pennadou a zo c'hoaz diwar-benn al lazou-kana.

Hirroh a vo kontet deoh dizale diwar-benn an niverenn-mañ war al lehienn-mañ. Ma fell deoh kaoud anezi dioustu, n'ho-peus nemed klika amañ.

Diellou Brud Nevez

Roger Laouenan

Roger Laouenan n'eo ket bet hepken an den e-neus savet Strollad Beilladegou Treger.

Hebtañ moarvad n'he-dije ket bet tapet Anjela Duval kement a vrud : eñ eo e-neus aliet ar realizatour André Voisin da zond da filma anezi e 1971, en amzer ma oa c'hoaz an tele e gwenn-ha-du.

Leoriou istor e-neus skrivet eiz diwar-benn ar Vretoned hag ar brezel 14.

Lennit amañ pelloh an destenn ma tisplege en e vrezoneg brao na pegement a hast o-devoa an oll eh echufe ar brezel, e fin ar bloavez 1918. Embannet e oa bet da geñver 90 vloaz fin ar brezel braz.

Lakad a reom anezi amañ en linenn en e eñvor, goude ma vefe bet marvet d'an 30 a viz meurz 2022, d'an oad a 89 vloaz.

Mari Kermareg

Piou, e-touez ar Vretoned kar-o-yez, n'e-nije ket soñj beza bet gwelet anezi war an tele ? Pe ar filmou a zo bet produet pe sevenet ganti, na pa vefe nemed an hini kriz he-devoa bet troet gand ar re a oa bet oh ober brezel en Aljeri. Komedianez eo bet gand Teatr Penn-ar-Bed. Heuliet he-deus gwella kanerien ha muzianed ar vro ha darempredet al lazou-kana da heul he gwaz, René Abjean.

Renerez Brud Nevez eo bet ive e-pad bloaveziou. Ha gand ar skiant-prenet he-doa, savet he-deus pennadou-kaoz, da lakad a beb seurt tud da gonta o buhez e Brud Nevez. Ne ray ket ken. Kuitaad ahanom he-deus greet, d'ar 6 a viz du 2019, ne oa ket pell euz he fevar-ugent vloaz. Tri bloaz a oa e oa bet taget gand eur hleñved a zo bet diremed : ar seurt krank a oa kroget enni n'e-neus ket dispeget.

Reiz eo e vefet bet savet beb a destenn en heh eñvor gand Fañch Broudic, Goulc'han Kervella, Charlez an Dreo, Naig Daouphars ha Maguy Kerisit, da zisklêria pegen fromet int bet ha pehini oa o darempred ganti. Lenn anezo a heller e Brud Nevez 319-320.

Lenn pe adlenn a heller ive ar pennad-kaoz a oa bet greet ganti e Brud Nevez 318, ma komz deuz he yaouankiz, deuz he micher, deuz he buhez komedianez, deuz ar skrivagnerien hag an arzourien he-deus bet anavezet.

Eur vuhez a virvill a-teus bet, Malou (rag evel-se e veze greet deuz ouzit gand da dud). E-pad pell e talhim eur zoñj kaer ahanout.

Leoriou en linenn Brud Nevez

Karantez ha karantez Naig Rozmor

Leoriou en linenn, ya, dre ma heller lenn hag adlenn anezo kement ha ma karer.

An hini kenta euz leoriou paper Brud Nevez e 1977 a oa bet Karantez ha karantez Naig Rozmor.

An hini kenta euz leoriou Brud Nevez en linenn eo ive !

Da gaoud anezañ, mond war ar bajenn-mañ !

Ha koueza a ra mad.

Rag war roll program ar h/CAPES brezoneg eo bet laket.

Brud Nevez, ar gelaouenn hag al leoriou a vez plijadur o lenn.

War internet ive !

Niverennou all

Brud Nevez 318

Barzonegou gand Chanig ar Gall ha Marcel Diouris
Kanaouennou Pièr Mell euz Poulaouen
Breiz ha Kembre o kana a-gor
Ar bagadou : war-raog ! kit !
Ar pennad-kaoz : Mari Kermareg hag heh eñvorennou tele ha komedianez

Da gaoud eun tañva euz ar pennadou, klika amañ !

Brud Nevez 317

Nevez-amzer ar varzed
E petra beza fiziañs er mareou-mañ ?
Brittany Ferris hag ar Brexit : eur pennad-kaoz gand Jean-Marc Roue
Kenavo d'Andreo ar Merser ha d'ar skrivagner My Skaouidig

Brud Nevez 316

1918 : Fin eur brezel

Ar v/Brugerien a-eneb ar brezel e 1913
Ar pez a skrive neuze ar hazetennou brezoneg
Jean-Marie Conseil, beleg, soudard ha liver
Ar monumañchou brezel e Bro Leon
Konta ar Brezel kenta d'ar re yaouank

Brud Nevez 315

Ar gelaouenn Brud, tri-ugent vloaz 'zo
Eur gontadenn gand Yeun ar Gow a vefe peadra da zevel eur wir BD diwarni
An danevell nemeti bet skrivet gand Per Trepos
Ar pennad-kaoz : gand ar haner Denez alias Denez Prigent
Lodenn ar helaoui : ar repuidi, Bro-Japan, Mikael Madeg o prienti eur geriadur all…

Brud Nevez 314

Êrgelh eur vro, eun amzer zo bet
Raglavar Youenn Gwernig
Al laer stered, eur romant gand Loeiz Grall, troet gand Marcel Diouris

Brud Nevez 313

Hubert Arzel, Michel Le Goffic, Jean-Paul Le Bihan, Martial Monteil, Patrick Galliou : En Arvorig, mil bloaveziou 'zo
Ar jestr eo a gont : eun danevell gand Mrcel Diouris
Maguy Kerisit : Barzoniez Naig Rozmor
Eur film galisianeg
Jo Tanguy : Plant hag ardremez

D'an neh

Petra eo Brud Nevez ?

Eur gelaouenn e brezoneg penn-da-benn, a-dra-zur !

Se a ouieh dija. Med da houzoud

petra zo nevez ganti
peleh ha penaoz kaoud anezi,
penaoz skriva deom

taolit eur zell ha Darempred

Taolit evez : cheñchet eo ar chomleh !

Vous ne savez pas le breton et vous voulez savoir

ce qu'est Brud Nevez ?

Pour vous, une page spéciale en français !

Brud Nevez est une revue en langue bretonne, sur laquelle on vous dit tout en quelques mots.

Mais aussi

comment vous la procurer
où la trouver
comment nous contacter

Car les adresses ont changé ! Tous les renseignements utiles ici !

D'an neh

O himiad o-deus greet

Andreo ar Merser

Marvet eo Andreo ar Merser d'an 31 a viz kerzu 2018. Kas ar brezoneg war-raog a heller lavared e-neus bet greet a-hed e vuhez, kazimant. Derhel soñj a vo greet euz ar skolaer hag euz ar helenner, euz e leoriou-kelenn, euz an embanner hag ar mouller. Euz an den ive, rag eur paotr seder ha brokuz eo bet dalhmad.

Da lenn ar pennadou en eñvor Andreo ar Merser, klika amañ

My Skaouidig

Deuz Plougastell e oa, hag eno n'eo bet anavezet biskoaz nemed evel My Skaouidig. N'eo ket e ano ofisiel koulskoude, peogwir eo Jean-Marie Pérès war kaierou an ti-kêr.

Ma 'z eo bet Jean-Marie Pérès unan euz renerien an MSA e Penn-ar-Bed, My Skaouidig n'eus nemed Plougastelliz hag ar vrezonegerien oh anaoud anezañ.

Eur skrivagner brezoneg kenta klas a zo bet anezañ.

Da lenn ar pennadou e memor My Skaouidig : klika amañ

Diellou Brud Nevez

Eur pennad-kaoz

gand Jean Jouzel